ЕРАЗМУС+ ПРОЕКТ:
ДЕНЕС САМ, УТРЕ ВО ТИМ...
2019-1-EЕ01-KA229-051587_5
„Денес сам, утре во тим - креативна настава за инклузивно училиште“ / “ Today Alone, Tomorrow in a Team! - Creative Learning for an Inclusive School” е Erasmus+ проектот којшто опфаќа мобилност и размена на добри практики и навики меѓу ученици и наставници.
Во текот на спроведување на овој проект, учениците ќе имаат можност да ја сфатат суштината на тимската игра, предностите кои ги дава за целокупниот развој на општеството. Преку игри и активности ќе ја научат разликата помеѓу тимскиот и индивидуалниот дух. Учениците ќе имаат главна улога во спроведувањето на активностите, а тоа ќе им овозможи да развијат свои лични вештини и способности. Проектот ќе се имплементира во шест училишта помеѓу ученици од приближно иста возраст, со времетраење од 1.9.2019 година до 31.8.2021 година.
Училишта во кои ќе се спроведува проектот:
Pärnu Kuninga Tänava Põhikool„ Estonia, како училиште, координатор на проектот;
ОУ „Кузман Јосифоски – Питу“ – Кичево;
Scoala Gimnaziala Magura, Romania;
Instituto De Educación Secundaria Avempace, Spain
XII I.C."V.BRANCATI", Italy
Cumhuriyet Ortaokulu, Turkey
Цели на проектот:
1. Интеграција на играта како начин на инклузија;
2. Враќање на старите традиционални игри во училиштето и елиминирање на насилството во училишните дворови;
3. Препознавање на суштинската вредност на правилата;
4. Стекнувањето на чувство на почит кон правилата што е неопходна компетентност за идните европски граѓани;
5. Развој на самосознанието и духот на индивидуалните и колективните истражувања, почитта кон себеси и другите;
6. Промоција на интергенерациска соработка;
7. Создавање на училница каде сите деца ќе бидат еднакви.
Координатор на проектот во нашето училиште:
Елизабета Арсоска, наставник по македонски јазик
