Почитувани првачиња, драги ученици
 
Пред вас е вашата животна трка по знаења, трка по која од ден на ден ќе бидете сѐ побогати. Колку ќе бидете вредни, упорни и истрајни во таа трка, толку поблиску ќе стигнете до целта да станете почитувани и ценети личности.
За да го постигнете тоа треба редовно да ги исполнувате вашите задачи, да бидете вредни и активни ученици.
Нашите вработени се трудољубив тим кој ќе ви пренесе искуство и можности за изучување кој ќе овозможи да го искористите вашиот потенцијал во сите области и ќе ве поттикне да ги развиете вашите вештини. Целта на нашиот тим е да создадеме ученици кои ќе бидат независни, ќе имаат голема самодоверба, кои ќе си постават високи цели и ќе имаат позитивен начин на размислување кој ќе им биде од голема корист во понатамошното учење и живот.  
Затоа бидете горди што сте дел од најдоброто училиште, дел од ООУ „Кузман Јосифоски-Питу“ Кичево